ރައިވަރުގެ ދޭހަވާ މާނަ

ދޫ ކަތުން ނޭވާ މުޅަ          (މުޅަދޫ ކަތުންނޭވެ)

ދޫ އުފަންވީ ތެރަށް ފުޅަ        (ފުޅަދޫ ތެރަށް އުފަންވީ)

ދޫ ނުވާ ދެއްވި ނަމަހުޅަ        (ހުޅަވާދޫ ނުދެއްވިނަމަ)

ދޫ ދެވާ ވާނަމޭ ގުޅަ           (ދެވާދޫ ގުޅަވާނަމޭ)

ދޫ ދިގދވި ފަޅު އިހަށް ގޮތަށް     (ދިގަދޫ އިހަށް ފަޅުވި ގޮތަށް)

ދޫ ހަނިމާ ވާ ގޮތަށް            (ހަނިމާދޫ ވާ ގޮތަށް)

= މުޑަނު ފޮތް: 24 ވަނަ ރައިވަރު =

ޅެން

ޖަވާބު ސުމެއް!

ސަޢީދު އަލިފުޅު / ބ. ދަރަވަންދޫ

މަގޭ ހިތަށް އެރި އެއްޗެއް ކަލޭނިކަން ބުނެބަލަ

     ވަގޭ ކިޔަސް ނުދެކޭނަމަ ކަމެއް ނިކަން ބުނެބަލަ

ވިލާ މަތިން މި ވިދާ އުޑުގެ ތަރިތަކާ އެކުގައި

     ތިމާ ލޮލުން މިދެކޭ ބިމުގެ ވެލި ގުނާދީބަލަ

ރައިވަރުގެ ދޭހަވާ މާނަ

މިވެނި ނުއެގޮތެއް ގޭ        (މިވެނި ގޮތެއް ނުއެނގޭ)

ޅިވެ އަރުން ފީވިއަސްބޭ      (ބޭރުން އަޅިވެ ފީވިއަސް)

ދިވެހި ވަޑިމިއަކަށް އުޅޭ      (މިއުޅޭ ދިވެހި ވަޑިއަކަށް)

ރިވެތިކޮށް ނުކޮށޭނެޔޭ        (ރިވެތިކޮށް ނުކޮށޭނެޔޭ)

އިވެދިޔަ ދިކަރަކީލި ކުންވަ     (އިދިކީލިވެދިޔަ ވަކަރަކުން)

ކިވެދާދާލި ގޮތަކުންވަ         (ދާލިވަކިވެދާ ގޮތަކުން)

= ލަކުޑިފޮތް: 7ވަނަ ރައިވަރު =

ރައިވަރުގެ ޝަރަހަ

ރޭތެ ބަލިތަކު ހިނގާ             (ބަލިތަކު ތެރޭ ހިނގާ)

ބޭހާއި ފަރުވާތަކާ                 (ބޭހާއި ފަރުވާތަކާ)

ދޭހަކޮށް ދިނަކަސް ކިޔާ           (ކިޔާ ދޭހަ ކޮށްދިނަކަސް)

މޭރުން ސަފުން ނުވަންޏާ          (ސަފުން މޭރުން ނުވަންޏާ)

ތޭނުމަބުބަލަ ބެހެއްނާށެ            (ބަލަ މަބުނާނެ ބަހެއްނެތޭ)

ހޭ ކަމުނދާން އޮންނާނެ            (ކަމުދާން އޮންނާނެހޭ)

=މުޑަނު ފޮތް: 28 ވަނަ ރައިވަރު=

ރަށުކައުންސިލްގެ ރައީސްކަން ލިބިއްޖެނަމަ

     ރަށުކައުންސިލްގެ ރައީސްކަން ލިބިއްޖެނަމަ ފުރަތަމަވެސް އަޅުގަނޑު މަސައްކަތް ކުރާނީ ރަށަށް ތަރައްގީ ގެނެސްދިނުމަށާއި ރަށުގެ ރަތްޔިތުންނަށް ކޮންމެހެން ބޭނުންވާ އަސާސީ ޙައްޤުތައް ހޯދައިދިނުމަށެވެ. އެގޮތުން ރަށުގައި އަމާންކަމާއި ސުލްޙަ މަސްލަސްކަން ޤާއިމުކޮށްދީ ރަށުގެ ރައްޔިތުންނަކީ ހޭލުންތެރި ބައެއްކަމުގައި ހެދުމަށް ތަފާތު އެކިއެކި ޕްރޮގްރާމްތައް ހިންގާނަމެވެ.

ހއ. އިހަފަރުގެ ފަޅު މަރާމާތުކުރުމުގެ މަސައްކަތް ރައްޔިތުން ނުކުމެ ހުއްޓުވި ހާދިސާގެ ތަހްޤީޤީ ރިޕޯޓް

   

     ބޮޑު ތިލަދުން މަތީގެ ތަށްތަކުގެ ތެރެއިން އެންމެ ބޮޑު އާބާދީއެއް އޮންނަ އެއްރަށަކީ ހ.އ އިހަފަރެވެ. ނަމަވެސް މިހާއާބާދީ ބޮޑު ރަށަކަށް ވީއިރު އަރާ ފޭބުމުގެ ދަތިތައް އެރަށުގެ ތައްޔިތުންނަށް ކުރިމަތިވެފައިވެއެވެ. މިއީ މިނިސްޓްރީ އޮފް ހައުސިން އެންޑު އެންވިރޮންމެންޓުގެ ފަރާތުން އެރަށުގެ ފަޅު މަރާމާތު ކުރުމުގެ މަސައްކަތް ރައްޔިތުން ނުކުމެ ހުއްޓުވުމާޢި ގުޅިގެން އެކަންތައް ތަހުގީގު ކުރުމަށްފަހު ލިޔާ ރިޕޯޓެކެވެ.

ޙިދުމަތްތެރި މުދައްރިސެއް

  އަލްފާޟިލާ އާއިޝަތު ނުޠުފާއަކީ، ދިވެހި މުދައްރިސެކެވެ. އަދި ހަމައެހެންމެ މޮޅު ޅެންވެރިއެކެވެ. އޭނާއަކީ ހއ.ބާރަށު ކަނީރުމާގޭ މަޙުމޫދު އަބްދުﷲ އާއި ގޯލްޑެން ހައުސް އަޒުރާ ޢަބްދުލް ލަތީފުގެ 5 ކުދިންގެ ތެރެއިން އެންމެ ދޮށީ ދަރިފުޅެވެ. އޭނާ އުފަންވެފައިވަނީ 1988 ޑިސެމްބަރ 13 ގައެވެ.