އަލްފާޟިލާ އާއިޝަތު ނުޠުފާއަކީ، ދިވެހި މުދައްރިސެކެވެ. އަދި ހަމައެހެންމެ މޮޅު ޅެންވެރިއެކެވެ. އޭނާއަކީ ހއ.ބާރަށު ކަނީރުމާގޭ މަޙުމޫދު އަބްދުﷲ އާއި ގޯލްޑެން ހައުސް އަޒުރާ ޢަބްދުލް ލަތީފުގެ 5 ކުދިންގެ ތެރެއިން އެންމެ ދޮށީ ދަރިފުޅެވެ. އޭނާ އުފަންވެފައިވަނީ 1988 ޑިސެމްބަރ 13 ގައެވެ.
މަންމަދެކެ
އެންމެ ލޯބިވާ ނުތުފާއަށް އެންމެ މީރު ކެއުމަކީ ބަތާ ގަރުދިޔައާއި
ފިހުނުމަހެވެ. އެންމެ އަޑު އަހާހިތްވަނީ
ސޯނޫ ނިގަމްގެ ލަވަތަކެވެ. އޭގެތެރެއިންވެސް އެންމެ ރީތީ ސޯނޫ ކިޔާފައިވާ
"އިންލަމްހޮކެ ދާމަންމޭ....." (ޖޯދާ އަކުބަރު) މި ލަވައެވެ. ކުޑައިރު
ގަސްގަހަށް އަރާ މަޖާކޮށް ކުޅެހަދާ އުޅުނުއިރުވެސް ދުވަހަކުވެސް މަންމަ ކައިރީ
އާފައިނޫނީ ގެއިން ބޭރަކަށް ނުނިކުމެއެވެ. އަދި މޫދަށް ކިތަންމެ އެރޭހިތް ވިޔަސް
މަންމަގެ ހުއްދައާއި އެކު ނޫނީ މޫދަކަށް ނޭރެއެވެ.
ބާރަށު
ސްކޫލުގައި ގުރޭޑް 7 އާއި ހަމައަށް ކިޔެވުމަށްފަހު، މާލެ ގޮސް މަދަރުސަތުލް
އަޙްމަދިއްޔާއިން ގުރޭޑް 10 އާއި ހަމައަށް ތަޢުލީމު ޙާޞިލްކުރިއެވެ. ކުޑައިރުއްސުރެ
ޅެން ހަދަން ޝައުޤުވެރިވި ނުތުފާވަނީ ނާސަރީގައި އުޅުނުއިރު، އޭރު ނާސަރީގައި ހޮވާ
ވަނައެއްކަމުގައިވާ "ސާފްތާހިރުކަމުން އެއްވަނަ" ކުއްޖާގެ މަގާމްވެސް
ހޯދާފައެވެ.
ގުރޭޑް 10
ނިންމުމަށްފަހު 2007 ވަނަ އަހަރު އޭނާ ވަނީ އިންފޮރމޭޝަން ޓެކްނޮލޮޖީ (އޮފީސް
މެނޭޖްމަންޓް) ގެ ދާއިރާއިން ސެޓްފިކެޓް ލެވެލް 2 ފުރިހަމަކޮށްފައެވެ. އެއަށްފަހު މޯލްޑިވްސް ނޭޝަނަލް ޔުނިވަރސިޓީން
ފައުންޑޭޝަން ލެވެލް 2 ނިންމިއެވެ. އޭނާއަކީ ކުޑައިރުއްސުރެ ޓީޗަރަކަށްވާން
ބޭނުންވި މީހެކެވެ. އެހެންކަމުން އޭނާވަނީ ޑިޕްލޮމާ އޮފް ޓީޗިންގ ދިވެހި
ލަންގްއޭޖް ކޯސް ފުރިހަމަކޮށް އޭނާގެ
ކުޑައިރުގެ އެއް އުއްމީދު ފުރިހަމަކޮށްފައެވެ. އެއީ ޓީޗަރަކަށް ވުމެވެ.
އޭނާ
ކުޑައިރުއްސުރެ ކުރި އަނެއް އުއްމީދަކީ ޅެންހަދާ މީހަކަށް ވުމެވެ. އެހެންވެ
އަބަދުވެސް ވަރަށް ގިނައިން ޅެންކިޔާ އުޅެއެވެ. އަދި ލަވަ އަޑުއަހާ އޭގެ މާނައާ ދޭތެރޭ
ވަރަށް ވިސްނައެވެ. އޭނާ ދެކޭގޮތުގައި ދުނިޔޭގައި އުޅޭ އެންމެ މޮޅުބަޔަކީ
އެމީހުންގެ ލިޔުންތަކުން ނޫނީ ޅެންތަކުން އެހެންމީހުންގެ އިޙުސާސްތަކާ
ކުޅެލެވޭމީހުންނެވެ. އޭނާގެ މި އުއްމީދުވެސް ވަނީ 2011 ވަނަ އަހަރު
ފުރިހަމަވެފައެވެ. އޭނާ ދެން ކުރާ އުއްމީދަކީ ޤައުމީފެންވަރުގެ ޅެންހެދުމުގެ
މުބާރާތެއްގައި ވާދަކޮށް އެމުބާރާތުން ވަނައެއް ހޯދުމެވެ.
އަޢިޝަތު
ނުޠުފާ އެންމެ ދެކެން ބޭނުންވާ ދުވަހަކީ ޑިގްރީކޯސް (ބެޗްލާރ އޮފް ޓީޗިންގ ދިވެހި
ލަންގްއޭޖް) ޙާސިލްކުރެވޭނެ ދުވަހެވެ. އެދުވަސް ވާނީ ޙަޔާތުގެ އެންމެ އުފާވެރި ދުވަސް
ކަމުގައި ނުޠުފާ ދެކެއެވެ.
މައިންބަފައިންގެ
ބަސްއަހާ ސްކޫލުންދޭ ފިލާވަޅުތައް ބަރާބަރަށް ހަދާ ކުއްޖަކަށް ވެއްޖެނަމަ އެއްވެސް
ކުއްޖަކީ "ފެއިލް" ވާނޭ ކުއްޖެއް ނޫންކަމުގައި ނުތުފާ ދެކެއެވެ.
އެހެންކަމުން އޭނާގެ އިލްތިމާސް އަކަށް ވެފައިވަނީ ކޮންމެ ކުއްޖަކުވެސް ގަދައަޅާ
މަސައްކަތް ކޮށްފިނަމަ ކާމިޔާބީއާއި ދަރުމަ ލިބޭނީ ހަމަ އެކުއްޖަކަށެވެ.